पौष १३
अनोज थारु, अनलाईन बाँसगढी
बर्दियाको बाँसगढी नगरपालिकामा पाँचौ बाँसगढी औधोगिक, कृषि, पर्यटन, ब्यापार मेला तथा बर्दिया माघ महोत्सव २०७८ यही पुस २९ गते देखि माघ ९ गते सम्म सन्चालन हुने भएको छ । आज एक पत्रकार सम्मेलनको आयोजना गरी बाँसगढी उद्योग बाणिज्य संघले उक्त कुरा जनाएको छ । कृषि, पर्यटन, ब्यापार तथा संस्कृतिको पहिचान, बिकास र समृद्धिमा हामी सबैको अभियान भन्ने मुल नाराका साथ पाँचौ बाँसगढी महोत्सव सन्चालन हुन लागेको हो ।
स्थानीय पत्रकारहरुसंगको प्रेस सम्मेलनमा स्थानीय कृषि, पर्यटन, उद्योग र ब्यापार तथा कला संस्कृतिको पहिचान बिकास र सम्बृद्धिमा पहुँच पुर्याउने उद्देश्यले मेलाको आयोजना गरेको महोत्सवका मुल समितिका संयोजक तथा बाँसगढी उद्योग बणिज्य संघका अध्यक्ष राम सिंह थारुले बताउनु भयो । बर्दियामा कृषि, उद्योग र पर्यटनलाई मात्रै सुधार गर्न सक्ने हो भने यहाँका जनताहरुको आर्थिक स्तर बढ्ने महोत्सवका मुल समितिका संयोजक थारुले बताउनु भयो ।
उहाँले मेला महोत्सवबाट अनुमानित करिव ८० देखि ८५ लाख सम्मको कारोबार हुने, त्यसबाट करिव ७० लाख सम्म खर्च हुन सक्ने आयोजकले आँकलन गरेको बताउनु भयो । “महोत्सवबाट करिव १५ देखि २० लाख बचत हुने पेक्षा राखेका छौ “ संघका अध्यक्ष राम सिंह थारुले बताउनु भयो ।
बाँसगढी उद्योग बणिज्य संघले अहिले सम्म चार पटकसम्म मेलाको आयोजना गरिसकेको र उक्त मेला मार्फत यस क्षेत्रको प्रचार प्रसार गर्नुका साथै ब्यापार ब्यवासाय, थारु कला संस्कृति र विभिन्न खाद्यन्य परिकारको माग समेत बढेको बाँसगढी उद्योग बणिज्य संघका बरिष्ठ उपाध्क्ष बद्रि बरालले बताउनु भयो ।
एउटा झोलामा सिमित रहेको बाँसगढी उद्योग बणिज्य संघ अहिले मेला महोत्सव बाटै भएको आमदानीबाट संघले दुई तलाको भवन बनाउन सफल भएको उपाध्यक्ष बरालले बताउनु भयो ।
त्यस्तै महोत्सववाट बर्दियामा रहेका बिभिन्न घुम्न तथा हेर्नलायक ठाँउको प्रचार प्रसार हुने गरेको बाँसगढी उद्योग बणिज्य संघका महासचिव युगपति पौडेलले बताउनु भयो ।
स्थानीय पत्रकारहरुसंग कुरा गर्दै प्रचार प्रसार उपसमितिका संयोजक एकनारायण अधिकारीले महोत्सवको प्रचार प्रसार रेडियो, टिभि, अनलाईन, सामाजिक सन्जालन लागएत गाँउ गाँउमा अटोबाट समेत प्रचार प्रसार गर्ने काम तीब्र रुपमा भईरहेको र सवैको सहयोगको अपेक्षा गरेको बताउनु भयो ।
